ലോകസോഷ്യൽവർക്ക് ദിനത്തോടനുബന്ധിച്ച് പഠനക്കളരി സംഘടിപ്പിച്ചു.
![](https://jpmpost.jpmcollege.ac.in/wp-content/uploads/2023/03/1-780x470.jpeg)
കാഞ്ചിയാർ: ജെ. പി. എം. ആർട്സ് ആൻഡ് സയൻസ് കോളേജിലെ സോഷ്യൽവർക്ക് രണ്ടാംവർഷ വിദ്യാർത്ഥികൾ ഔട്ട് റീച്ച് പ്രോഗ്രാമിന്റെ ഭാഗമായി കൗമാരവിദ്യാർത്ഥികൾക്ക് വ്യക്തിത്വവികസന പഠനക്കളരി നടത്തി.
ലോകസോഷ്യൽവർക്ക് ദിനത്തോടനുബന്ധിച്ചാണ്
‘സിഗ്നേച്ചർ’ എന്ന പേരിൽ പരിപാടി സംഘടിപ്പിച്ചത്
![](https://jpmpost.jpmcollege.ac.in/wp-content/uploads/2023/03/2-1024x576.jpeg)
കൗമാരക്കാർ നേരിടുന്ന പ്രതിസന്ധികൾ, വെല്ലുവിളികൾ അവയെ പ്രതിരോധിക്കുവാനുള്ള നടപടികൾ, പരിസ്ഥിതി സംരക്ഷണവും അതിന്റെ ആവശ്യകതയും തുടങ്ങിയ വിഷയങ്ങളെ ആസ്പദമാക്കി മാർച്ച് 9-നായിരുന്നു കാഞ്ചിയാർ സെന്റ്. മേരീസ് യു. പി. സ്കൂളിലെ കുട്ടികൾക്കു വേണ്ടി പഠനക്കളരി നടത്തിയത്.
സീനിയർ അസിസ്റ്റന്റ് ശ്രീ. ജോസുകുട്ടി ജോസഫ് അധ്യക്ഷനായിരുന്നു. കോളേജ് വൈസ് പ്രിൻസിപ്പാൾ റവ. ഫാ. പ്രിൻസ് ചക്കാലയിൽ സി. എസ്. ടി. ‘സിഗ്നേച്ചറി’ന്റെ ഉദ്ഘാടനം നിർവ്വഹിച്ചു.
![](https://jpmpost.jpmcollege.ac.in/wp-content/uploads/2023/03/3-1024x576.jpeg)
സോഷ്യൽവകുപ്പു വിഭാഗം മേധാവി ശ്രീമതി. രേഷ്മ എലിസബത്ത് ചെറിയാൻ, സ്റ്റാഫ് കോ-ഓർഡിനേറ്റർ മനു ടി. ഫ്രാൻസിസ് എന്നിവർ ആശംസകൾ നേർന്നു.വിദ്യാർത്ഥി കോ-ഓർഡിനേറ്ററുമ്മാരായ ജോബിൻ ബിജു സ്വാഗതവും സലിറ്റ ജേക്കബ് നന്ദിയുമർപ്പിച്ചു.