ജെ. പി. എം. കോളേജിൽ കലോത്സവത്തിന് തിരിതെളിഞ്ഞു
![](https://jpmpost.jpmcollege.ac.in/wp-content/uploads/2023/01/3-2-780x470.jpeg)
ലബ്ബക്കട : ജെ. പി. എം. ആർട്സ് ആൻഡ് സയൻസ് കോളേജിലെ കലോത്സവം ‘തരംഗ 2K23’ – യുടെ ഉദ്ഘാടനം പ്രശസ്ത , റേഡിയോ ജോക്കി ശ്രീ. ശംബു നിർവഹിച്ചു. കേന്ദ്രസാഹിത്യയക്കാദമി യുവപുരസ്കാര ജേതാവ് ശ്രീ. മോബിൻ മോഹൻ മുഖ്യപ്രഭാഷണം നടത്തി.
![](https://jpmpost.jpmcollege.ac.in/wp-content/uploads/2023/01/2-1-1024x682.jpeg)
കോളേജ് പ്രിൻസിപ്പാൾ ഡോ. സാബു അഗസ്റ്റിൻ അധ്യക്ഷനായിരുന്ന ചടങ്ങിൽ കോളേജ് മാനേജർ റവ. ഫാ. എബ്രഹാം പാനിക്കുളങ്ങര സി. എസ്. ടി, വൈസ് പ്രിൻസിപ്പാൾ റവ. ഫാ. പ്രിൻസ് തോമസ് ചക്കാലയിൽ സി. എസ്. ടി. , ബർസാർ റവ. ഫാ. ജോബിൻ പേനാട്ടുകുന്നേൽ സി. എസ്. ടി. തുടങ്ങിയവർ സംസാരിച്ചു.
![](https://jpmpost.jpmcollege.ac.in/wp-content/uploads/2023/01/4-1-1024x682.jpeg)
സ്റ്റാഫ് കോ-ഓർഡിനേറ്റർ സോണാ ജോൺസൺ, ജോയിന്റ് കോ-ഓർഡിനേറ്റർ അഖിൽ കുമാർ എന്നിവർ ആശംസകളർപ്പിച്ചു. യൂണിയൻ ചെയർമാൻ ആദർശ് ആന്റണി സ്വാഗതവും ആർട്സ് ക്ലബ് സെക്രട്ടറി ടോണി തോമസ് നന്ദിപ്രകാശനവും നിർവ്വഹിച്ചു.
പരിപാടിയിൽ സംസ്ഥാനസ്കൂൾകലോത്സവത്തിൽ സമ്മാനാർഹനായ ഡിനു ജോർജിനെ അനുമോദിക്കുകയുണ്ടായി. കലോത്സവം ജനുവരി 23 ന് സമാപിക്കും.
![](https://jpmpost.jpmcollege.ac.in/wp-content/uploads/2023/01/5-1024x683.jpeg)